書，我永遠不嫌多；我只嫌自己的房子太小，書架不夠多。童年時曾有一個夢想，長大後要做圖書館管理員。後來知道原來讀圖書館學，其實是讀圖書管理學，我像馬上被澆了一盆冷水，興致全消。
於是，我又想過要開一間書店。不過，像我這種老板，一定蝕本關門大吉。
如果我有錢做老板，我不如用錢買書了。
以前讀書時，大陸的書便宜到幾元一本。我和師弟經常在周末乘火車到深圳，再轉硬座上廣州的北京路買書。那時我們各拿著紅白藍膠袋，一部手推車，浩浩蕩蕩地上路。
那時候的新華書店還用閉架形式，讀者不能碰到書，只能叫售貨員去書架取書，然後由他們寫單到樓下付款部付錢，蓋了章後將貨單拿回貨員手上，他們才會將書給你。
我們拿著二百大元，就已經可以做大款了。經過幾小時的瘋狂搜購，我們才乘火車回宿舍。
有一次過海關時，我發覺師弟不見了。回頭一看，原來他被關員扣查。我過去一看，關員連我的紅白藍袋也要打開。他們一看，問：「你們回香港擺地攤的嗎？」我們說出自己的身份。幸好我們相貌純良，最後海關放行。
以上是幾天來的部分收穫，叠起來其實一點也不多啊。我是否買得太少呢？
延伸閱讀
牢騷絮語：弊傢伙，買大咗﹗
彩云之南：A Shopaholic’s Confession
飯‧格：弊傢伙，買大咗！
堂本冰子：弊傢伙，買大咗！
Yan: 沒看過的書…
Guy: 弊傢伙，買大咗！(Bought Up）
lu: 弊傢伙，買大咗！
CP: 弊傢伙! 我有一隊巴士車隊
Gabriel: 弊傢伙，買大咗！—我在書店中沉淪了
Blue: 「弊傢伙，買大左！」之去旅行要小心
紫熊: 「弊傢伙，買大咗！」
no reason: 弊傢伙，買大咗！
UncleRay: 買的疑惑／弊傢伙，買大咗！
蛋治: [敗家] 弊傢伙，買大咗！
李小球: 弊傢伙，買大咗！
龜仔: 弊傢伙，買大咗！
Abrams: 「弊傢伙，買大咗！」
咖啡之心: 『弊傢伙,買大咗』!
kitB: [聯播] 弊傢伙，買大咗！
五師兄: 我冇買大咗！
mad dog: 幾樣 (有幾樣喇）
agnes: 弊傢伙…我都唔知買大咗
amo: 弊傢伙，買大咗！—網友amo篇 (amo，做乜唔叫我貼？)
嘩,好多書呀!
那時候的新華書店還用閉架形式，讀者不能碰到書，只能叫售貨員去書架取書，然後由他們寫單到樓下付款部付錢，蓋了章後將貨單拿回貨員手上，他們才會將書給你。……..原來如此!?
只有大陸那邊的關員，才會這麼問。
香港哪有人擺地攤賣書？
帶書出境不犯法；他未免太好管閒事了。
你搬得動嗎？怎麼帶回來的？要怎麼帶回去？
提議你看《上深圳購書又買又吃》#9留言照辦。
dbdb：
你很快手﹗我剛放上去你就寫留言。
時代不同了。現在在大陸買書文明得多了。
amo：
對，是大陸關員問我的。你說我今次搬得動還是以前？我們用手拉車的。真的拉到滿頭大汗。
我用兩手挽著回來的，我剛買了一個大皮篋。
我想買陳存仁的津津有味譚。
小時候也做過類似的事情，不再少年時了！
真係好多書啊!
買到(甘多)心頭好多暢快!
我好細個時跟我老豆上北京買書，都係要個姐姐逐本逐本拎落黎俾我地睇既。睇完一本，又要放番上去，先可以睇第二本。
另，我都有好強既買書癮既！
看圖，有一本書好像沒有，還是已有，沒拍進圖中，我看不到。
是楊絳的《走在人生邊上》，呵呵，《我們仨》的作者。
一位九十六的人，講人生，講古書（論語、中庸），迷信嗎？人生嗎？科學嗎？
要是買了，反正很多書都是放著的，這本也可放著（反正你還年輕）。沒買，不要緊，圖書館一定可以找到的。
「津津有味譚」，我有第一版！
見到好書忍不住要買，買了又沒時間看，我年來欠下自己的書債，恐怕有生之年都不能清還的了。
readandeat:
你寫得咁開心，答得咁開心，一啲都唔似懺悔。
我諗你要買贖罪卷先有得救。哈哈～
來過人：
楊絳都寫咗本《走在人生邊上》？
amo:
讀食不像懺悔？很像啊~~~
她不是說「我是否買得太少呢？」嗎？
《走在人生邊上》其實不算太新的書了，我還在看。不過，可以說，楊絳的書，很難找到不好看的。
http://news.xinhuanet.com/book/2007-09/12/content_6710608.htm
http://product.dangdang.com/product.aspx?product_id=20019983
amo, 錢鍾書的是”寫在人生邊上”.
我都有鋪買書癮，每隔一排就要去書店報到。好多時d書未睇晒又會買新的書，看完的書又捨不得丟掉。我想這都是很多愛書人的毛病，哈！
怒火眼睛：
睇錯咗添。
Thanks!
來過人：
未聽過呢本書。淨係知道有幹校六記同我們仨。
好！等陣上去睇吓。
amo :
楊絳出了很多書，大都沒有錢鍾書那麼「深」和「悶」，得閒可去找來看。
她寫人（尤其是寫錢鍾書）記事，細而不瑣碎，多長的文都覺短。這本《走在人生邊上》，對你可能更合適，為什麼，快去找來看啦！不好，我退錢給你~~~
（至於時間，你覺得因而浪費了的，我賠不上了，因為我也在人生邊上徘徊，所餘無幾，呵呵~~~~）
我咁少都算? 講吓咋喎…
嘩, 好妒忌呀, 好想即刻就返到香港, 買買買, 仲有3個禮拜, 中文書, 等我啊!
David：
不知香港有沒有陳存仁這套書，我在深圳購書中心二樓賣食譜那層看見的。除了葷食和素食篇外，我記得還有食療篇。
aulina：
嘿嘿，聽講你好鍾意打機，唔好扮老喎。
joop：
是呀，你有乜嘢心頭好呢？
Justin：
你那兒有沒有B & N？那兒賣的書較貴，可以變相抑制一下購買慾。
來過人：
我沒有買那本。講哲學的書，我怕會悶。
Chris：
書債此生也還不了，此話甚有同感。來日方長，或者……嗚……
amo：
哈哈，聽講你有份鼓勵我懺悔喎。我買多些去贖罪囉。
路人nat：
我將舊書入箱，暫存在香港，跟著去狂買新書帶過去，哈哈，我真的有病。
來過人：
做乜咁有感觸？待我回去整番兩味，大家一定醒晒﹗
mad dog：
係囉，我都覺得自己買得少。笨﹗
Hellosandy：
三個禮拜好快過咋。回來買個夠啦。
readandeat:
乜聽講？我直頭寫咗叫你去懺悔。
參考《上深圳購書又買又吃》#9留言。
懺悔題目係《弊傢伙，買大咗！》。你依家好似寫《弊傢伙，買少咗！》。
贖罪”口既”方法，最好當然係用所有預定買書錢請我哋食返餐。
上酒樓餐廳食定自己整返兩味都得。
今次使晒錢，下次返嚟加倍就得。
來過人：
都係你了解readandeat多啲。
佢第一個就要請你食。
尋晚上唔到你提供嗰兩個link。
等陣等閒再去。
信你，點會叫你賠？
乜「也在人生邊上徘徊時間，所餘無幾」？
大吉利是。
amo：
呵呵呵﹗晨早笑成咁，唔知會唔會食慾大增。
你呢個題目正呀﹗等我馬上去改。哈哈﹗
錢到用時方恨少，真真攞命﹗
係啦，鬧來過人啦﹗喺我地頭講埋啲唔吉利嘢。
唔多！I usually buy more than this.
心頭好?! 太多啦…我唔好鞋同手袋但電子產品係我的死“月”
最近都鍾意買書．．．不過都係唔正經的 hahaha
我好鍾意睇您們的留言．．．虽答唔上咀但光看巳十分有意思呢!
咁……以你的情況黎睇，又的確係買少左o既 :p
我唔係鬧來過人。我呵返佢咋。
「也在人生邊上徘徊時間，所餘無幾」，係佢話自己。
佢有咩頭暉身”慶”，就冇咁好玩。
而且佢好好人，介紹好書畀我睇。
(講到尾，呵返佢動機都係好自私。)
有乜咁好笑？你笑定我笑？
已經可以想像到廚神滿頭大汗”口既”樣。
下次佢肯定跟你返嚟，寧願親自下廚，將你啲買書錢買晒材料請我哋食大餐。
(因為你哋一家三口食用唔晒啲買書錢嚟食嘢。)
咁我哋就有口福咯。
amo:
今日真係有啲頭暈，周身唔舒服，可能講錯嘢。以後都係講多啲開心嘢好啲。
後尾又好似好啲，可能得你呵番都唔定。呵呵~~~~
來讀食呢度，唔係想搵書就係搵食架啦，講食我就求求其其，講讀，遇著讀食，仲可以勉強掹車邊，以後你想搵邊類型o既書，問我都得架。
你成日落廚，一定起碼有一味餸煮得好好，搵次醒吓我地，咁就very good 喇。
aa：
好，我明天再多買一些。
joop：
有什麼不正經的書？要公諸同好喎。我也覺得留言才是本網誌的精髓。哈哈﹗
李小球：
你也這樣說，好，等我明天盡地一鋪﹗
amo：
嘩，幾日不見，大家咁熟落呀。係嘅，我地呢度四海之內皆兄弟。有大家撐住，呢度的留言才好玩。
我成日都笑架啦，有乜奇呀。唔笑唔通喊咩。
話時話，佢上次同我番嚟時真係落廚大顯身手。同佢番嚟我點敢再買書，梗係去食餐勁啦。
來過人：
忍不住要插嘴。你要補補嘞。等我下次整啲湯水畀你飲吓啦。呵呵﹗
來過人：
好返未？留言太多，唔記得邊段要答返你。
嗰日同你玩，玩聖誕老人玩笑，結果真係畀聖誕老人詛咒。
我個仔趁我唔覺意，將我買畀人啲聖誕禮物拆開晒，重攪到成屋都係。
所以嗰日同你玩玩吓要去執屋，冇咗下文。
我要逐件執返，對返齊唔齊。有啲包唔返，要再頭買過。
我以前都話呢度邪”口架”啦。估唔到連聖誕老人都咁小氣。
你講嘢真係要小心啲。
行過兩間書店都冇走在人生邊上。睇嚟要喺網睇。
原來楊絳寫過好多書。香港啲書店賣嚟賣去都係幹校六記同我們仨。
readandeat:
來過人同我一向都好熟”口架”喎。淨係拗頸都拗到熟啦。
佢幾好人”口架”。我咁無聊佢都陪我顛。
我扮惡爺，佢就扮被恰。
唔熟點有咁合拍？
amo：
做乜賴我呢度邪呀﹗
好呀，唔熟唔食，哈哈哈﹗
楊絳那本《走在人生邊上》我就沒興趣了，我很怕看哲學的。費事頭痛。你試吓上網看「深圳購書中心」。那間書店的書真的很齊。
amo:
你講起又真係有點邪( 不是這裡邪)，我那次一講完就唔舒服，好在你同讀食咁好，又呵又煲湯，今天好像好些了。
你恰過我咩，好似唔多覺喎。我淨係覺得呢度個個都很好人，又很肯教人，時時來可以學到很多嘢。
《走在人生邊上》有台灣版的，我好像在三聯看過，不過貴很多。老實說，國內版便宜之外，設計也很樸素，我比較喜歡。
讀者不能碰到書，只能叫售貨員去書架取書，然後由他們寫單到樓下付款部付錢，蓋了章後將貨單拿回貨員手上，他們才會將書給你。
嘩!買書可以這樣矜貴, 我都曾經恨做圖書館理員,又曾經奢想開一間書店 , 我想這都是喜歡書的人的共同夢想吧 , 雖然我愛及看的書 , 不及你萬分之一。
下星期六日(19-20 Jan)HKU圖書館開倉。
各位覺得買唔夠，到時可以去睇睇。
好似開平日辦工時間。
readandeat：
你已經返咗美國，冇行。
可以通知你位老師去買。
來過人：
好以淨係喺呢度亂啽至會出事，都咪話唔邪。
唔邪又點會招引我嚟玩？
你唔記得我恰過你就最好啦。嘿嘿～
下次再恰過，唔好記住呀！
我比較鍾意睇台灣版。好多時候連大陸作家啲書，我都係買台灣版。
除咗因為睇繁體字比較快，重因為字同行間隔都比較大，對眼冇咁易攰。
有圖片/相片”口既”書，台灣版亦都印得好過大陸版好多。
台灣啲平裝版書封面又夠厚，好包過大陸書好多。
不過台灣書因為紙質比較好，同一本書，字數一樣，可以厚過大陸版兩倍。
睇完要收上架就暈得一陣。
來過人：
我今次不插嘴了。
abby：
當年真的是這樣賣書的，非常不習慣。我愛狗的程度，我也不及你。
amo：
嘩，大學圖書館的書可能比較學術化，未必適合現在的我。謝謝你通知大家﹗
我等會飛了，臨上機我也會寫一篇。等我度度。
現在大陸版的書其實已印得不錯，這方面真的要讚讚。不過，其實只要書紙好，不要那麼容易破損，已經是印得不錯的書了。外國這方面比較肯花錢，我說的是珍本書，紙質真的百年不變。
我今次買了很多書，幾乎爆箱。
readandeat:
其實攞出嚟賣嗰啲，多數係大學圖書館收到”口既”損贈書。
上次去過，都有唔少依家少見文學類書籍。
有錢都買唔到，但係又唔係好值錢。
廚神嗰啲珍本書，係咪指Easton Press或者Folio Society嗰類印刷超精美”口既”版本？
如果只係少有”口既”舊版書，紙質、印刷同釘裝都未必精美。
我都買過folio啲書。係好靚，睇得非常舒服。
可惜香港天氣太濕，皮(？)面好易發霉，要成日抹。好煩！
嘩. 你同我都好相似呀. 因為很喜歡看書, 想過當圖書館管理員, 也想過開書店, 但回到現實, 還是(無奈)作罷……
不過隨著年紀增長, 又是寫博, 又學這學那, 已經很少看書 (汗)…..
amo：
港大有什麼中文書我也大概知道，不是沒有興趣，而是一來時間不夾，二來已買了這麼多書，不知怎拿回來。
廚神的珍本書不是Easton Press或者Folio Society出版的，他說那些是現代印刷精美的版本。
他說他的書有George Barrie(費城)版和Fred De Fau版。
George Barrie出版的書可參考以下鏈結：
http://www.artoftheprint.com/artistpages/kirkpatrick_frank_le_brun_astudyinblueandwhite.htm
我以前放在老家的書也因潮濕而有點霉味。
紫熊：
我的網誌叫read and eat，我更汗顏。
amo：
港大有什麼中文書我也大概知道，不是沒有興趣，而是一來時間不夾，二來已買了這麼多書，不知怎拿回來。
廚神的珍本書不是Easton Press或者Folio Society出版的，他說那些是現代印刷精美的版本。
他說他的書有George Barrie(費城)版和Fred De Fau版。
George Barrie出版的書可參考以下鏈結：
http://www.artoftheprint.com/artistpages/kirkpatrick_frank_le_brun_astudyinblueandwhite.htm
我以前放在老家的書也因潮濕而有點霉味。
紫熊：
我的網誌叫read and eat，我更汗顏。