有一位朋友的媽媽做菜非常了得，朋友常常將母親做的菜掛在嘴邊：「我媽媽做這個菜很好味的。」當時心想，做他老婆的女人一定很有壓力。
有一次，朋友談起他母親初入廚的經驗。原來伯母也不是天生的廚子。
他們家住二十樓。他母親初入廚房時雞手鴨腳，又要學人家蒸魚，還是滑潺潺的生魚。結果真人上演一幕空中撻生魚──整條活生生的生魚從廚房滑出了窗口，飛墮二十層地獄﹗當堂嚇壞全家。
記得我第一次的入廚經驗是很小的時候，那時連飯也不懂煮，於是去煎荷包蛋送公仔麵。拿著鑊將荷包蛋翻來覆去，忽然心血來潮，記得電視中看見人家凌空反蛋，於是將鑊剷向上一挑，煎好的荷包蛋一個抛物線的落到灶頭的另一邊。那次只能乾啃公仔麵了。
好友早期做的菜淡而無味，現在什麼都會煮。上次在飯館吃完清涼的杞子桂花糕後，她回家馬上照辦煮碗，弄了一碟更好味的桂花糕出來。我馬上笑道：很有專業水準，可以去街邊擺檔。
另一位好友新婚後請我們到新居坐坐，我自動請纓給大家做菜。環顧廚房，什麼也有，唯獨不見菜刀。我問好友：菜刀呢？
好友才省起自己從來不下廚，所以忘了買菜刀。
結果那頓飯在樓下搞掂。
***
你初次入廚的經驗是怎樣的？如果你寫了，請告訴我，我會在這裡加上連結。謝謝﹗
darkman：我的第一次入廚經驗
我好自量”口架”。第一次下廚，只係煎蛋。
嗰陣屋企淨係用中式竹
我好自量”口架”。第一次下廚，只係煎蛋。
冇做任何高難度動作，好簡單咁煎蛋。
嗰陣屋企淨係有中式生鐵鑊。用同阿媽相同”口既”步驟：
開火，落油，等一陣(冇諗過等幾耐，總之等一陣)，打個蛋落鑊，
等蛋白完全凝固，冇反就鏟起上碟。
完全冇雞手鴨腳(講都唔信哩？)。
嗰陣大概七、八歲左右。
細個煎蛋最大失敗就係打散咗個蛋黃。
煎咗幾次冇問題，就開始煎火腿、香腸、煙肉之類。
第一次煎蛋係趁阿媽唔喺屋企煎”口既”。
佢知道之後鬧我玩火，好以玉子鬧大雄咁鬧足幾個字。
後來我再做，佢覺得冇出事就應該冇問題，冇再鬧我，淨係叫我要小心。
我”口既”良好紀錄到十幾歲真係要煮普通菜式就打破咗。
有次阿媽好唔得閒，叫我煮餸。
我將啲菜炒到有少少燶，同埋幾黃幾硬。
肉絲切到有長有有短有粗有幼。
滾湯落水太少，煮完要加返兩碗水。
嗰餐又唔會好似做戲咁，攪到個廚房天翻地覆，啲餸難食到嘔。
只係唔多好食啫。
淨係煲飯估到點煲，煮得好正常。
amo：
咁你好過我好多。我第一次煮飯真係雞手鴨腳，煮飯煮生了。
你用普通煲？
我用電飯煲煮。一個米杯加上內鍋有刻度，好易估啫。
我煮飯比較好彩，用瓦煲煮煲仔飯都未試過煮出三及第。
淨係頭兩次落餸太慢，煮出嚟飯焦比較多。
我細個趁阿媽去了鄰家搓麻將時，模仿佢炒菜，但沒有下油，炒到鑊上有大火，好似火災咁，於是大叫救命，要阿媽回來救火，好彩無畀人鬧，當時應是五、六歲。
到現在都沒用過熱火煮食：ｐ
ｐ．ｓ．我做的港式雜果沙律有好多人讚架：）
記憶中，我首次下廚也好像是煮飯的
amo：
不是，我用電飯煲。真瘀﹗
Maisy：
咁我又未試過搞到火燭。
請問港式雜果沙律點做？
Michelle：
咁煮成點呀？
港式雜果沙律就是用罐頭雜果加最便宜的沙律醬混在一起，講究一點，可以加入鮮果，和用貴一點的沙律醬。
最初覺得做法沒難度，別人說好吃，可能是例牌客套話，後來吃過朋友做的雜果沙律，蘋果切得太大塊（她說是省力氣），形狀大小不一，最要命是沒把罐頭雜果的水盡量倒掉，水混和沙律醬，變成沙律水浸又大塊又生锈的水果，唉。
我的結論是，做食物還是要講愛心的。
Maisy:
講愛心~~~~
我簡單點 : 講心。
Maisy：
我試過將罐頭雜果加涼粉和新鮮菠蘿，感覺很正。
你說得對，做菜也要愛(感情)的。
來過人：
你都好有(愛)心噃。
[...] January 29, 2008 in 不一樣的回憶 我的第一次入廚經驗，是十多二十年前的某一天為外婆做的午餐 [...]
涼粉我喜歡吃，但罐頭的不夠硬，要去街市買的才好吃，但又很久沒去過街市了：（
Maisy：
可惜這裡的街市不賣涼粉。唔，其實這裡是沒有街市的。最後一個街市在多年前關閉了。